பீகார் மாநிலம் பாட்னா ரயில் சந்திப்பில் பெருமளவிலான கடல் ஆமைகள் கடத்தல் கும்பலிடம் இருந்து கடல் ஆமைகள் மீட்பு

பீகார் மாநிலம் பாட்னா ரயில் சந்திப்பில் பெருமளவிலான கடல் ஆமைகள் கடத்தல் கும்பலிடம் இருந்து மீட்கப்பட்ட சம்பவம், வனவிலங்கு ஆர்வலர்களிடையே பெரும் அதிர்ச்சியை ஏற்படுத்தியுள்ளது. 

மனிதர்கள் தங்கள் நாவிற்காக எதையும் விட்டுவைப்பதில்லை என்பதற்குச் சாட்சியாக, பல அரிய வகை ஆமைகள் சாக்குகளில் அடைக்கப்பட்டு மிகவும் மோசமான நிலையில் கடத்த முயன்றபோது ரயில்வே பாதுகாப்புப் படையினரால் பறிமுதல் செய்யப்பட்டன.  இந்தியாவில் 1972-ம் ஆண்டு வனவிலங்கு பாதுகாப்புச் சட்டத்தின் கீழ் (Wildlife Protection Act, 1972), கடல் ஆமைகளைப் பிடிப்பதோ, வைத்திருப்பதோ அல்லது கடத்துவதோ மிகக் கடுமையான குற்றமாகக் கருதப்படுகிறது. 

கடல் சூழலியல் சமநிலையைப் பேணுவதில் முக்கியப் பங்கு வகிக்கும் இந்த ஆமைகள், பெரும்பாலும் இறைச்சிக்காகவும், அவற்றின் ஓடுகள் மற்றும் அலங்காரப் பொருட்களுக்காகவும் வெளிநாடுகளுக்குக் கடத்தப்படுவது தொடர்கதையாகி வருகிறது. 

இந்த சட்டவிரோதக் கடத்தலில் ஈடுபடுபவர்களுக்குக் கடுமையான சிறைத்தண்டனையும் அபராதமும் விதிக்கப்பட வேண்டும் என்பதே சமூக ஆர்வலர்களின் ஒருமித்த கருத்தாக உள்ளது.