Header Ads

  • சற்று முன்

    கோதுமை பாயாசம் செய்வது எப்படி?


    தென் மாநிலங்களில் நடைபெறும் பண்டிகைகள் சுப நிகழ்ச்சிகளில் கண்டிப்பாக இந்த பாயாசம் இடம்பெற்று விடும். குறிப்பாக கர்நாடகாவில் இது ஒரு ஸ்பெஷல் ரெசிபி. நமது உடலுக்கும் ஏராளமான நன்மைகளை தரும் இந்த டிசர்ட் கண்டிப்பாக உங்களுக்கும் பிடிக்கும். சரி வாங்க இப்பொழுது இந்த கோதி பாயாச ரெசிபியை எப்படி செய்வது என்பதை
    பார்ப்போம்.

    உடைத்த கோதுமை - 1 கப்
    உலர்ந்த பழங்கள் (பாதாம் பருப்பு + முந்திரி பருப்பு + உலர்ந்த திராட்சை பழங்கள்)
    வெல்லம் - 1 கப்
    நெய் - 2 மேசைக்கரண்டி
    தேங்காய் துருவல் - 1 கப்
    பால் - 1/2 பௌல்
    தண்ணீர் - 3 கப்
    பாப்பி விதைகள் - 1 மேசைக்கரண்டி
    ஏலக்காய் பொடி - 1 மேசைக்கரண்டி

    1. ஒரு பௌலை எடுத்து கொள்ளுங்கள். அதில் உடைத்த கோதுமை மற்றும் அது மூழ்கும் அளவுக்குத் தண்ணீர் சேர்த்து ஒரு மணி நேரம் ஊற வையுங்கள். பிறகு தண்ணீரை வடிகட்டி கொள்ளவும்.

    2. ஒரு குக்கரை எடுத்து கொள்ளுங்கள். அதில் இப்பொழுது ஊற வைத்த உடைத்த கோதுமையை குக்கரில் சேர்க்கவும். அதனுடன் தண்ணீர் சேர்த்து பருப்பு வேகவைப்பது போல, 3 விசில் வரும்வரை வேகவிடவும்.

    3. விசில் வந்ததும் குக்கரைத் திறக்காமல் அப்படியே பத்து நிமிடங்கள் வரை ஆறவிடுங்கள்.

    4. அது ஆறிக்கொண்டிருக்கும் அதே நேரத்தில், அடுப்பில் கடாயை வைத்து கசகசாவை லேசாக வறுத்து தனியே எடுத்து வைத்துக் கொள்ளுங்கள்.

    5. அதே கடாயில், வெல்லத்தை சேருங்கள். அதனுடன் ஒரு கப் தண்ணீர் சேர்த்து கொள்ளுங்கள் 10 நிமிடங்கள் வரை வெல்லம் முழுவதுமாக கரையும் வரை சூடுபடுத்தவும்.

    6. வெல்லப்பாகு ரெடியாகிக் கொண்டிருக்கும்போதே ஒரு மிக்ஸி ஜாரில் தேங்காய் துருவல் மற்றும் வறுத்த கசகசாவை சேர்த்து, சிறிது தண்ணீர் விட்டு மைய அரைக்க வேண்டும்.

    7. இந்த அரைத்த விழுதை கொதித்துக் கொண்டிருக்கிற வெல்லப்பாகில் போட்டு, நன்றாகக் கலக்கவும்.

    8. மூடியைக் கொண்டு மூடி மிதமான தீயில் 2-3 நிமிடங்கள் அந்த கலவையை வேகவிடவும். அதன்பின், அந்த கலவையோடு வேகவைத்த உடைத்த கோதுமையையும் சேர்த்துக் கொள்ள வேண்டும். நன்கு கிளறி 5 நிமிடங்கள் வரை வேகவிட்டதும் ஏலக்காய் பொடி சேர்த்து ஒருமுறை நன்கு கிளறிவிடுங்கள்.

    9. அடுத்ததாக,நெய்யில் வறுத்த முந்திரி, திராட்சை ஆகியவற்றை சேர்க்கவும். அதோடு இரண்டு ஸ்பூன் நெய் சேர்த்து கிளறிவிட்டு,பின் கடைசியாக அதில் பால் சேருங்கள். பாலை நன்கு கலந்துவிட்ட பின், 5 நிமிடங்கள் மிதமான சூட்டில் வைத்து வேகவிட்டு இறக்குங்கள்.

    10. தித்திக்கும் கோதுமை பாயாச தயார்..

    11. பாயாசத்தை வேறு பௌலிற்கு மாற்றி பின் பரிமாறலாம்.

    கருத்துகள் இல்லை

    Post Top Ad

    Post Bottom Ad