கோவில்பட்டி வேலாயுதபுரம் பத்திரகாளியம்மன் கோயில் ஆடித்திருவிழா

கோவில்பட்டி வேலாயுதபுரம் பத்திரகாளியம்மன் கோயில் ஆடித்திருவிழாவை முன்னிட்டு அன்னை ஸ்ரீ பத்திரகாளியம்மன் சிம்ம வாகனத்தில் வீற்றிருந்து சூலாயுதம் ஏந்தி துர்க்கை கோலத்தில் திரு விதிகளுக்கு எழுந்தருளி பவனி வரும் நிகழ்வு மேளதாளம் முழங்க, வானவேடிக்கையுடன் வெகு விமர்ச்சையாக நடைபெற்றது.

தூத்துக்குடி மாவட்டம் கோவில்பட்டி வேலாயுதபுரம் அருள்மிகு அன்னை ஸ்ரீ பத்திரகாளியம்மன் -  காளியம்மன் திருக்கோயில் ஆடிப்பொங்கல் திருவிழா  கொடியேற்றத்துடன் தொடங்கியது.

வேலாயுதபுரம் நாடார் உறவின்முறை சங்கத்திற்கு சொந்தமான இக்கோயிலின் ஆடிப்பொங்கல் திருவிழாவை முன்னிட்டு, கோயில் நடை அதிகாலை 5  மணிக்கு திறக்கப்பட்டது. அதைத் தொடர்ந்து, திருவனந்தல் மற்றும் திருப்பள்ளி எழுச்சி பூஜை நடைபெற்றது.பின்னர், அம்மனுக்கு சிறப்பு அலங்காரம் மற்றும் அலங்கார தீபாராதனை நடைபெற்றது. தொடர்ந்து வேலாயுதபுரம்  உறவின்முறை காமராஜ் இளைஞரணி சங்கத் தலைவர் கேடிபி. அருண்பாண்டியன் தலைமையில் உறவின்முறை சங்கத் தலைவர் வேல்முருகேசன் முன்னிலையில்  உறவின்முறை சங்க நிர்வாகிகள், சங்க உறுப்பினர்கள், மண்டகப்படிதாரர்கள், மகளிர், இளைஞரணி மண்டகப்படிதாரர்கள் சார்பில் அம்மனுக்கு சிறப்பு பூஜைகள் நடைபெற்றது. தொடர்ந்து அம்மன் திருவீதியுலா நிகழ்ச்சி நடை பெற்றது. அதற்கு முன்னதாக சிறுவர் சிறுமியர்களின் ஆடல், பாடல், நாடகம் மற்றும் விளையாட்டு போட்டிகள் காமராஜர் இளைஞர் நற்பணி மன்றம் சார்பில் நடைபெற்றது. நிகழ்சியில் வெற்றி பெற்ற சிறுவர் சிறுமிகளுக்கு ஸ்ரீவைகுண்டம் சட்டமன்ற உறுப்பினர் ஊர்வசி அமிர்தராஜ் ஏற்பாட்டின் பேரில் காங்கிரஸ் கட்சி வடக்கு மாவட்ட பொருப்பாளரும் நகர தலைவருமான கேடிபி. அருண்பாண்டியன் வழங்கி  கவுரவித்தார். தொடர்ந்து இம்மாதம் 14ஆம் தேதி அதிகாலை 5 மணிக்கு அம்மனுக்கு பொங்கல் வைத்து பலியிட்டு,படையல் செய்து சிறப்பு பூஜை நடைபெறும்.பிற்பகல் 3 மணிக்கு மஞ்சள் நீராட்டு விழா மற்றும் உறியடித்தல் நிகழ்ச்சி நடைபெறும். மாலை 6 மணிக்கு நாடார் உறவின்முறை மகளிரணியின் முளைப்பாரி ஊர்வலம் நடைபெற உள்ளது.

கோவில்பட்டி  மாவட்ட செய்தியாளர் : சிவராமலிங்கம்